alice0526 on Xanga

Weblog

Friday, 15 August 2008

１５　ＡＵＧ　２００８
　　今日同Ｄｏｍｉｎｉｃ先去食瑪嘉烈萄撻再影返張撻照之後去左搭松山纜車。。。行到成身汗（又俾佢笑我個汗字讀錯。。嘻嘻），跟住去左食禮記雪糕磚（都幾抵食０家），之後去搭車返氹仔威尼斯人諗住換飛返香港。。點知換唔到。。因為而家開始要玩夠一個鐘先可以攞免費飛。。咁唯有去氹仔碼頭睇下有冇ｃｏｕｐｏｎ平＄６０啦。。竟然係。。。有喎。。ｌｕｃｋｙ。。。所以我就搭５：００ｐｍ鐘船走喇。。。佢就返屋企沖涼再去接佢美國個朋友喇。。。
１４　ＡＵＧ　２００８
　　連放兩日所以去左澳門搵Ｄｏｍｉｎｉｃ，所以自己去左換金光飛航免費飛，如果今日唔去搵佢，就要等下個星期喇。。。
　　我地去左食蔡瀾０個間。。叫左擔擔麵，小籠包，酸辣湯餃子同菜，之後，我地就返宿舍喇。。返到去見到佢ｄ同事０係度打緊牌。。嘻嘻。。。返到去仲爭估惑仔ＯＮＬＩＮＥ打。。。本來以為佢聽日要返工，諗住晏晝自己走，到訓０個一刻先知原來佢攞左假聽日陪我。。真係好開心，原來佢真係好錫我。。
26 Jul 2008
今日我去左澳門搵我既豬頭...我地去左九如坊食野,好貴呀..但係真係好好食0家..連我一向唔食羊都肯食呀...正呀...不過,豬頭成日都話我唔識食0既...咁又係既...
27 Jul 2008
今日,豬頭親自下廚煮野俾我食...好開心呀!有我最鍾意食既黑椒牛柳絲炒意粉同埋薯仔沙律...唔......好好味呀...最後仲有甜品...燉蛋(好甜呀)....sweet sweet....
之後..我地0係宿舍玩扮偷拍...好搞笑0家...
                                                    3 Aug 2008 (Sun)

   今日DOMINIC 返左香港, 諗住佢今個星期短週應該唔會返香港tim, 真係好開心可以見到佢…咁就同仍去左葵芳食上海野…好多野食呀…差D食唔哂…
    第日我要返工所以食完野就返屋企…第二朝Dominic 同我一齊起身返工…辛苦哂喇…攰死我隻豬頭喇…下午豬頭約左個friend傾保險d野..而我姑姐昨晚打俾我叫我今日搵佢…咁佢又話想行下apm… 咁我咪去搵姑姐囉…諗住介紹仍俾姑姐識…點知…佢話唔出喇…咁我就同姑姐食飯囉…但係其實當中有好大既誤會…佢以為我約左姑姐食飯…我又諗住佢係想返屋企食飯…唉..咁就緣慳一面喇…好唔開心呀…又miss 左個見面既機會tim…
    8 Aug 2008 (Friday)

   今日DOMINIC 返左香港, 一早已經諗左去E 仔仲約埋阿妹。我地都差唔多十點先去到,皆因我真係好慢吞吞,因為我想每次都扮靚D先同佢出去呀嘛。預計去食飯都冇去到...唉…我真係失敗。
    去到E仔我叫左星球大戰, Dominic 就叫左情咬 (Love Bite),佢話飲情咬時我仲搵哂成張list都揾唔到..真係呀…佢又玩我…低B…不過,我又好鍾意佢整蠱我…好變態呀…
    可能因為我好耐冇飲啦..好快就…..醉左lu…..但係掟鏢都係我嬴...呵呵…但係就要佢抬我返屋企囉…瘀到痺….
    到第二日我地預定去睇戲(4:45pm)…就係本來諗住0係澳門睇而又買唔到飛既 “赤壁”諗住上左畫咁耐應該冇咩人睇啦…仲慢條斯理…點知咁就出事喇….冇飛賣呀…天呀...點解要咁對我地…第一次睇戲就咁多阻滯…激死人…不過好好彩仲有下一埸(7:40pm),雖然聽日返大早(6:00am)要3:30am起身,但係再唔睇我驚會落畫…因為我知Dominic 好想睇呀…咁唯有頂硬上啦…但係身體不其然就訓左…其實套戲唔悶0家,不過係個身體抵受唔住睡魔引誘…所以就…唉….訓左…唔知有冇激死Dominic呢…=.=”
    0係睇戲之前我地仲去左掃街 (由太子掃到旺角)同去左食越南野…